Layihələr

Əcnəbilərin Azərbaycan cəmiyyətinə inteqrasiyasını sürətləndirəcək agahlıq kampaniyasının keçirilməsi layihənin əsas mahiyyətini təşkil edir. Layihə çərçivəsində əsas diqqət əcnəbilərin hərtərəfli maraqlarının təmin olunmasına xidmət etmiş məsləhətlərin verilməsinə və zəruri dəstəyin göstərilməsinə yetirilmişdir.

Layihənin icra müddəti: 01 avqust 2019-cu il – 30 noyabr 2019-cu il.

Layihə Dağlıq Qarabağ münaqişəsi nəticəsində işğal olunmuş torpaqlardan didərgin düşmüş məcburi köçkünlərin məşğulluq imkanlarının artırılmasından və bu sahədə həyata keçirilən dövlət siyasətinə töhfə verməkdən bəhs edirdi.

Layihə çərçivəsində məcburi köçkünlərin məşğulluğunu özündə ehtiva edən ümumi vəziyyətə dair lokal qiymətləndirilmə aparılmış, həmin kateqoriyadan olan şəxslərdən ibarət fokus qruplarla və maraqlı tərəflərlə müzakirələr keçirilmiş, toplanılmış materiallar əsasında məcburi köçkünlərin məşğulluq vəziyyəti və imkanları öyrənilmiş, müxtəlif peşə istiqamətləri üzrə kurslar təşkil olunmuşdur.

Layihənin icra müddəti: 03 fevral 2019-cu il – 30 sentyabr 2020-ci il.

Layihə pandemiyadan əziyyət çəkən şəxslərə ərzaq yardımının göstərilməsi və bununla da həmin kateqoriyadan olan insanların sosial rifahının bir qədər yaxşılaşdırılması ilə əlaqədar idi. Bu kateqoriyadan olan 170 ailə və həmin ailələrə daxil olan 600 nəfər məcburi köçkün bu və ya digər formada onlara göstərilən ərzaq yardımından bəhrələnə bilmişdilər. 

Layihənin icra müddəti:

01 iyul 2020-ci il–31 avqust 2020-ci il

Layihənin ideyası 44 günlük Vətən Müharibəsi nəticəsində işğaldan azad olunmuş ərazilərin məskunlaşdırılması məqsədilə həyata keçirilən “Böyük qayıdış” proqramı çərçivəsində Qarabağa köçürüləcək ailələrdən olan məcburi köçkün qadın və gənc qızların sosial fəallığının artırılması və bu yolla həmin müstəvidə həyata keçirilən dövlət siyasətinə töhfə verməklə bağlı olmuşdur. Layihənin hədəf qrupları olan məcburi köçkün qadınlarının gündəlik həyatda üzləşdikləri sosial məsələləri özündə ehtiva edən vəziyyəti ilə bağlı qiymətləndirilmə aparılmış, əldə olunmuş nəticələr əsasında məcburi köçkün qadınlarının sosial maraqlarına cavab verən maarifləndirici tədbirlər keçirilmişdir.

Layihənin icra müddəti: 01 fevral 2022-ci il – 01 may 2022-ci il

Layihənin ideyası 44 günlük Vətən Müharibəsi nəticəsində işğaldan azad olunmuş ərazilərin məskunlaşdırılması məqsədilə həyata keçirilən “Böyük qayıdış” proqramı çərçivəsində Qarabağa köçürüləcək keçmiş məcburi köçkün ailələrindən olan qadın və gənc qızların təmsil olunduqları yerli icmaların inkişafında fəal iştiraklarına dəstəyin göstərilməsi ilə əlaqədar idi. Layihənin hədəf qrupları olan məcburi köçkün qadınlarının potensiallarının artırılması və bununla da onların təmsil olunduqları məcburi köçkün icmalarında gender balansının təmin olunması layihənin əsas hədəfləri idi.

Layihənin icra müddəti: 01 sentyabr 2022-ci il – 01 dekabr 2022-ci il

ABŞ Konqresində Ermənistandakı revanşistlərə maliyyə yardımı ayrılması barədə təşəbbüsləri Azərbaycan vətəndaş cəmiyyəti təmsilçiləri hiddətlə qarşılayıb. Bir qrup Azərbaycan QHT-si “2024-cü il Arsax gəlirlərinin bərpası haqqında Akt” adlı qanun layihəsinin müəllifi olan ABŞ konqresmeni Adam Şiffə açıq məktubla müraciət edib.

APA müraciəti təqdim edir:

"Cənab Adam Şiff, biz, bu məktubla Azərbaycan vətəndaş cəmiyyəti təmsilçiləri və Ermənistan silahlı qüvvələri tərəfindən Azərbaycanın əvvəllər işğal altında olmuş ərazilərində yerləşən öz evlərimizdən məcburi köçkün düşmüş əhali olaraq, “2024-cü il Artsax Gəlirlərinin Bərpası Aktı” təşəbbüsünüzü pisləyirik. Tələsik hazırlanmış bu qanun layihəsi ayrı-seçkilik xarakteri daşıyır, birtərəfli və konteksdən çıxarılmış məlumatlara söykənir ki, bu da bir qrup insanların acı taleyinə və iztirablarına tamamilə məhəl qoyulmaması və digər qrupa üstünlük verilməsi deməkdir. Biz başa düşürük ki, Azərbaycana qarşı ayrı-seçkilik etməyinizin əsas səbəbi etnik və dini simpatiyadır. Əgər bu təşəbbüs dəstəklənərsə, belə bir sənəd insan hüquqlarının və beynəlxalq hüququn pozulması olacaq və bu da qeyri-sabitliyə, insanların iztirab çəkməsinə və ABŞ-ın regional roluna xələl gətirəcək.


2023-cü ilin sentyabrında Azərbaycanın suverenliyi tam bərpa olunduqdan sonra Azərbaycanın Qarabağ bölgəsinə səfər edən BMT missiyası (komandası) bəyan edib ki, “onlar mülki ictimai infrastruktura, o cümlədən xəstəxanalara, məktəblərə və yaşayış binalarına, mədəni və dini infrastruktura heç bir ziyan qeydə almadıyıblar” və “onlar istər yerli əhalidən, istərsə də başqalarından sonuncu atəşkəsdən sonra mülki şəxslərə qarşı zorakılıq halları ilə bağlı hər hansı məlumata rast gəlməyiblər” (https://press.un.org/en/2023/db231002.doc.htm)